Fazli Ferati
Poeti që hynë në botën e fëmijëve
Poeti Ismet Tahiraj, tani si krijues i dëshmuar në artin e bukur poetik, me atë përvojën shumë vjeçare në këtë fushë, vije para lexuesve me librin e tij të radhës për fëmijë “Drita ime“.
Te poezia “Drita ime“ poeti bën përsëritjen e vargut “Ti drita ime “ sikur e madhështon realizimin artistik të këtyre vargjeve, me një fuqi, si shprehje shpërthyese me ndjenjat e tij emocionuese.
Ti drita ime
Prej ujit bilur
Ti D(r)ita ime
E bilurtë
Te poezitë “Kaça“ e “Murrizi“ sikur poeti me vargjet e veta flet për anët pozitive e negative të tyre: në njërën anë kaça jep marmaladën e në anën tjetër pickon fëmijët me gjembat e saja, si dhe mundëson fshehjen e insekteve e gjarpërinjve, që shfaqin rrezik për fëmijët. Po ashtu edhe për murrizin poeti sikur rrëfen për fshehjen e iriqëve, ku natën në kotec i rrezikojnë zogjtë e pulave.
Me vargjet e kësaj përmbledhje poetike për fëmijë, poeti Tahiraj e njeh mirë botën e fëmijëve dhe hyn brenda saj, duke e bërë mjaft tërheqëse për lexuesit e vegjël. Tematika e librit “Drita ime“ ishte e larmishme. Ai thurë vargje për insekte siç janë: Kërmilli, Karrabishti, Pleshti, Bleta e tjera, me ato karaktreristikat e tyre qofshin pozitive, apo negative. Fëmijët pothuajse rritën me botën e tyre ëndërruese për jetën. Pastaj në këtë libër poeti nuk e lë pa thurur vargje si: për zogj, për lepurin, kaprollët, edhat e tjera.
Tre zogj t’bukur
Në mes prilli
Marrin nuse
Lule trëndafili
Apo, poezia “Ç’tha një lepur“ :
Një lepur në ferrë
Diku thellë n’zabel
Tafës i çoi fjalë
Atë arën mbi lumë
Duhet ta punosh
Me zell më shumë
Te poezia “Edhat’’, sa bukur poeti thurë vargjet:
Kur bëhen dy me dy
E kur nisë të bie nata
Kërcet dera
Thua ra granata
Të vjersha “Lumi’’ sikur poeti ua ngjallë dashurinë fëmijëve për lumin, për rëndësinë e ujit që ka për njeriun e tokën.
Gjithashtu të poezitë “Përroi’’, “Ibri më i miri’’, “Gurgullimë e lumit’’, poeti përshkruan bukuritë natyrore të lumenjve e sidomos të lumit Ibër, me ato gurgullimat pas reshjeve të shiut.
Poezitë qe do pasojnë ne vazhdim i takojnë një tematike tjetër, asaj sakrifice për të qenë të lirë ne trojet tona stërgjyshore. Poezia “Treni nuk ngec’’, flitet për jetimat që kanë mbetur pas luftës.
Kur shpresa vyshket si lulet
E balli errësohet si natë
Jetimit gëzoja ditën
Buzëqeshjen jepja dhuratë
Poeti thurë edhe vargje përshkruese si të poezitë: “Plagët nuk t’ janë tharë’’ (Kadri Bistricës), “Vashë, a orë mali’’ (Shotë Galicës), “Gulçime zemre’’ (Astrit Deharit) dhe “Shpella e kaqakëve’’.
Vargjet për Shotën, për Kadri Bistricën, për Astrit Deharin si dhe për luftën e kaqakëve për çlirimin e atdheut.
Pra, me këto vargje poeti të fëmijët sikur ua ngjallë ndjenjen e atdhedashurisë dhe për njohjen e figurave emblematike për mbrojtjen e atdheut ndër breza.
Të kësaj natyre është edhe poezia “Me flamur në ballë’’ ku flitet për trimat luftëtarë të Azem Bejtes në mbrojtje të atdheut, ku ndër të tjera poeti thotë:
Azem Bejta
Djalë drague
Dan Doroci
Si fajkua
Sytë si shqiponjë
Shkrepin vetëtima
Për liri t’atdheut
Luftojnë këta trima
Ndërsa te poezia “I foli gurit’’ personazh i së cilës ishte një luftëtar që kurrë nuk u pajtua me roberinë, pra bëhet fjalë për Dan Dorocin, ku ndër të tjera poeti thotë:
Dan Doroci
I flet gurit
Ti më dhe
Forcë djalërie
E urti të burrit
Te poezia “Zgjedha’’ përmes fjalës poetike poeti ua përkujton fëmijëve kohët më të vjetra, kur arat lavroheshin me qe. Ky element shihet qartë te poezia “Zgjedha’’.
Kur i mbreh
Qetë në zgjedhë
Gjyshi Zenel
Puna i shkon mbarë
Kur mbjell grurë e mel
Poezia “Erdhi marsi’’ flitet për rritjen e bimeve në syrin e pranverës.
Përshëndet elbi
Dhe gruri shçim
Na duhen dhe rreze
Deri n’perëndim
Kërkon luledielli
Rreze dielli dua
T’më forcohet
Shtati mua
Krijuesi Ismet Tahiraj përmes vargjeve të këtij libri, me një pasuri tematike e figuracion të pasur artistik e ka arritur mjaft bukur e sukseshëm realizimin e këtij libri. Krijuesi ligjëron rrjedhshëm e bukur për botën e fëmijëve, duke e njohur mirë anën psikologjike të tyre.
