Me poezite e Rrustem Hyseni këtë pasdite

Rrustem Hyseni lindur me 10.06.1952,
Lindi ne fshatin Kaçanoll tani jeton në Podujevë!
Studimet i përfundoi në Sarajevë!
Me poezi merret qysh nga shkolla e mesme,ka botuar ne revista qe botoheshin në Kosovë  së fundi doli dhe libri i ti me poezi “Deltinë Vargu”.
KUR KAM MALL
Kur kam mall
Shikoj n’dritare
Pejzazheve
Të zverdhura
Se si zvarriten
Ditët nëpër shi
Se si përbirohen
Mendimet në largësi
Qiellit tim të kaltër
Ëndërroj kthimin
E zogjëve shtegëtar
Në kopshtin tim
As një këngë
S’mund t’a këndoj
Pa ty
Për syrin e përlotur
Ngushëllim kërkoj
Tek fjala dashuri
Pa ty dhembja ime
As ni varg se shkrova
As një lule se vëra
Mbi varr
Zjarri yt kur merr malin
Nuk shuhet me fjalë
Shpirti këngës i bëhet hi
Me vonesë kthehen
Pranveratë
Kur jam në gjumë
Më ngacmojnë ëndërrat
Mallin ma zgjojnë
Brigjeve t’kujtimit
Dua të ç’mallem
Për ate që kam dashuri
Nuk mjaftojnë vetëm
Fjalët
KUR VDIQ GJYSHI
Kur vdiq gjyshi
Vetëm vuajtjen ia varrosëm
Nëpër shi
Sot e atë ditë mbet i pa varrosur
Mes nesh
Kur vdiq gjyshi
Ishte muaj i rjepcit
Filluam t’i ndajmë gjerat e tij
Dikuj i ra plisi
Dikuj oxhaku
Dikuj pushka e gjatë
Dikuj s’i dhanë hise
Se i kish pas harruar
Emrin e vet
Kur vdiq gjyshi
Dy muaj zgjati e pamja
Ate vit një grusht farë
Askush s’e hodhi  n’arë
Atë vit na kërcënoi uria
U bëmë pikepesë
Si zogjtë e qyqes
Nëpër çerdhe t’huaja
Kur vdiq gjyshi
Fqiu i parë na e muar
Arën e lamës me gjithë zabel
Fëmijët na i përzëni nga loja
Na e shau gjuhën e bukën
Nënën e Zotin na i shau
Kur u rritëm  mësuam
Për mollën e kuqe
Për Ibrin e kuq
Për Ibrin e zi
Tani është kohë vjeljesh
S’është kohë për gjum
Këngë  të këndojmë
Andej e këndej urës
Pa harruar  gjyshin tek
Varret e vjetra në veri
NË ËNDËRR
(Kushtuar nënës time Hamides)
Mbramë të pashë në ëndërr
Veq ashti të kish mbet
Nuk e gjeta rrugën
Me ardh me t’pa
Më thanë e kanë lënë sytë
Nga malli
E kanë lënë edhe veshët
Kot e thërret
Nuk të dëgjon dot
Kur më duel gjumi
Isha bërë ujë nga lotët