ARGJIRO Ukimeri
UNË

Sikur fjala e vetmueme
Parajs e imja e papremtueme
Veç n’ty un gjej ngushllim

Porsi lulja e pa çelun
N’ty unë rri e flas e heshtun
Veç n’ty zemra asht n’vegim

N’varrt e tua, ti m’sheh mue
Ujdhesë trishtimi qi za nuk ka
Mu njaty ku gjej shërim

Përtej pritjes e pasosun
Ishull jete ku kam rrnue
N’plagë t’mia ti ke zan vend

Veç n’motmote un ty t’menoi
Mot për mot unë ty t’thrras
Andërr jete qi kurr s’mbaroi

GONXHE BOJAXHIUT

Pa ty jetës s’i vie era
As pa Ty dielli s’rrezon
Aromën tane e sjellë pranvera
Në nji komb qi na bashkon

Sh’nja Anjezë moj e bekueme
Ku çdo gja n’ty sjellë veç uratë
Edhe n’qiell Ti je e lumnueme
Na ban jetên tonë Ti të begatë

Gonxhja jonë lulja je e stolisun
Qi na e mushë zemrat plotë mirësi
Asnjiherë Ti s’na ke braktisun
Shên Terezë je plotë me hirësi

Mrekullitë tua që shpirtin na ngrohë
Edhe në netët ku frynë acari
Fytyrën tande engjullore kur e shohë
Je identitet i çdo Shqiptari