Mirushe H. Musa

SHKËMBI I PLISIT

Mbi qiellin dardan retë lëvizin si harta,
Dielli perhap rrezet si shqipja me flatra,
Nga kurbeti,larg një pëllumb kam nis,
Fluturim t’i bie cep me cep Shqipërisë.

Për gjuhë,o pëllumb,do ta kesh lehtë,
Ç’do lis mali atje vetëm shqip të fletë,
Fluturimin vazhdo,askush mos ta ndal,
Fluturo mbi Shkodër,pusho në Tiranë.

Në kala të Ulqinit ndalu mes bregdeti,
Më sill një abetare nga Ilirida e alfabetit,
Rrugët janë të hapura ska kufi me mes,
Nga të dya anët sofra shtruar të pret.

Nga Çamëria e bukur me sill pranverë,
Më sill plisin e bardhë, e një fustanellë,
Një buqetë lulëkuqe sillma në kurbet,
Lahuten e Malsisë,me vete ma merr.

Preshevë,Luginë merre një grusht dhe,
Edhe atje e kam një copëz Atdhe,
Fluturo në male mbi shkëmbin e Plisit,
Atje e kemi trungun dhe rrënjët e fisit.

Ulu e pusho në truall te molla e kuqe,
Atje kanë vallëzuar dasmorët me nuse.

Sillma aromën e Shqipërisë nënë,
Sillma pakëz diell,më sill pakëz hënë.