Razije Hoxha

DRENUSHA

Më mirë të isha një drenushë.
Pyll më pyll të më ndiqnin gjahtarët me shigjeta.
E të mos më zinte dot,askush!

Më mirë të isha një thëllëzë mali.
Lis më lis,
të më ndiqnin gjahtarët,
e shpat më shpat.
E në mbrëmje të ktheheshin
nga gjahu ,të pafat!

Më mirë të isha një flutur,
me krahët pikturuar.
Lule me lule
të më ndiqnin djemtë,
dhe askush të mos më merrte dot, në duar!